Antolakuntzatik gaurkoan parte hartu duzuen mendizale guztioi gure eskerrik beroenak eman nahi dizkizuegu. Guztira 1100 bat mendizale inguratu dira Areizaga-Kalebarren enparantzara eta prestatu ditugun ibilbideetako batean parte hartu dute. Bihar biharamuneko datuak pasatuko dizkizuegu, baita egunean izan diren datu bitxiak ere.

Askorentzako atsedena hartzeko unea da orain. Eskerrik asko eta datorren urtean Iñaki gogoratuz, hemen Urretxu-Zumarragan espero zaituztegu.

A! Datozen egunotan, argazkiak jartzen hasiko gara. Bisita gaitzazu!

EGUNERAKETA: Informazio gehiago, gure blogean biharamuneko datuekin.

Antolakuntzako kideok

Zakur-eme orbanez zuri-marroia, (foxterrier baten neurrikoa), bi lepoko dituena galdu da gaur goizean Leturiondo inguruan. Zakurrak "Mecano" izena du. Beraren berri baduzu, bere jabearekin 609438476 telefonoan jar zaitezen eskatzen dizuegu.

Gainera, ibilbideko toki desberdinetan zenbait bastoi eta elastiko jaso ditugu. Horietako bat zurea bada, gurekin kontaktu orrian agertzen diren email edo telefono batean harremanetan jar zaitez, arren.

Iñaki Beitiaren omenezko mendi-martxan bisita ditzakezun tokien informazioa eman nahi dizugu... Hemen aurtengo ibilbideetan eta baita ekitaldi guztietan zehar bisitatu diren tokien berri izango duzu, kokapen geografikoaren arabera, tipologiaren arabera eta baita ibilbide bakoitzeko ordena kronologikoaren arabera... ibilbide luzerako eta ibilbide laburrerako ere bai.

Aurtengo ibilbidean, Zerain eta Mutiloako lurretatik igaroko gara. Aizpitako meategien eta Mantxola (Francisco de Goya margolariaren berraitonaren etxearen ondotik igaroz.

OHARRA: Igandean, ibilbide luzea egingo duten lehen 250 mendizaleek Zeraingo Turismo Bulegoak oparitutako Zerain herriari eta Zeraingo Aizpeako meategiari buruzko bina diptiko jasoko dute. Lerro hauen bitartez, gure eskerrak eman nahi dizkiogu emandako informazioarengatik.

Entzun ezazu joan den ostegunean, Euskadi Irratiko Bidaldi saioan, Iñaki Beitia mendi-martxari buruz egindako elkarrizketa. Berau, Urretxu-Zumarragako Otamotz.com agerkari digitalean entzun ahal izango duzu.

Lehenik eta behin ongi etorri Iñaki Beitiaren Omenezko XII. Mendi-martxaren webgunera.

Datorren 2008ko maiatzaren 11an (igandea) Urretxu-Zumarragan (Gipuzkoa) ospatuko dugun ibilaldiaren nondik norakoak, arauak, gune interesgarriak eta helburuak topatuko dituzu gune berritu honetan, eta guztia Urretxu-Zumarragako laguna izan genuen Iñaki Beitia gogoratuz. Bisita gaitzazu, bai gune honetan, baita Urretxu-Zumarragako inguruak ezagutuz. Bi ibilbide dituzu aukeran, laburra eta luzea, zure egoera fisikora egokituko direnak.

Hona hemen aurreko ekitaldi guztien laburpena.

Edozein zalantza izanez gero, gurekin kontaktuan jar zaitezen animatzen zaitugu. Ongi etorria izango zara.

—Antolatzaileok—

Antolakuntzak, maiatzaren 3. igandea mendi honetarako gordetzeko asmoa du (2008ko ekitaldian, mendi-martxen egutegiarekin hobeto lotzearren, hilaren 11ra pasatu dugu mendi-martxaren eguna). Iñaki Beitiak gugan utzi zuen oroimenak ibilaldi honetako antolakuntza bateratua egitea ahalbidetu du. Mendiko bizikletako martxa bat egin ondoren, 1996an zendua, bere oroimena pizturik mantentzeko bere izena daraman ekintza bat egitea otu zitzaigun. Ostadar M. T.-ko bazkide sortzailea, Urretxuko udaleko Herri Batasuneko zinegotzi eta euskararen karteraren arduraduna, Urretxu-Zumarragako Ikastolako irakaslea, bertsolari-eskolako irakaslea, gure herrietan edozein kirol- edo kultura-ekintzako partehartzaile eta laguntzailea, ... Iñaki denok maite genuen laguna izan zen.

Aurtengo edizioa izeneko atalean, mendi-ibilaldiaren deskribapena, kontrolen eta anoa-postuen kokapena, eta berrikuntzen berri izango duzu.

Entzun ezazu Iñaki Beitiaren omenez, Gorka Ojangurenek "Askoz gertuago" izenpean idatzitako abestia. Abestiaren letrak eta informazio gehiago esteka honetan eskuragarri dituzu.

Eta entzun Iñakik bere sorterria Aizpurutxori egindako trikitixa. Abestia eta letrak esteka honetan eskuragarri dituzu.

Zumarraga-Urretxun ikusi nahi zaitugu, eta zuri gure mendiek erakusten duten ibilaldi ederra eskaini gainera. Zalantzarik baduzu, gurekin kontaktuan jarri behar baduzu hemen behar duzun informazioa aurkituko duzu. Gipuzkoako alderdi hau ezagut dezazun gonbidatzen zaitugu.

Mila esker eta mendian ikusi arte,

Antolatzaileok
—2008ko apirilaren 6an—