eu | es
 [ Hemen zaude: Sarrera  >  Aurtengo edizioa  ]
 
Sarrera
Nor zen Iñaki
Abestiak
Aurtengo edizioa
Fitxa teknikoa
Arautegia
Opariak
MEG
Bideo eta argazki galeriak
Euskaraz bizi nahi dut!
Aurreko edizioak
Antolatzaileak eta laguntzaileak

Izena ematea
Inkesta
Facebook Facebook
Twitter Twitter
Bloga
Jarioak Feed icon
Kontaktua

Ostatuak
Nola etorri
Leku eta monumentu interesgarriak
Aholkuak

Ohar legala
Pribatutasun
Politika

[eu] Euskara
[es] Castellano


 
Aurtengo edizioa

Ohi legez, aurten ere mendi ibilaldia Goierri, Deba Garaia eta Urola-Kosta eskualdeen artean zabalduko da eta aukera ezin hobea ematen du bertako inguruak ezagutzeko. Aurten Iñaki Beitia Mendi Martxaren 21. edizioa beteko dugu, ohi bezala ibilbide bakarra antolatuz: 34 kilometrotakoam eta 1.800 metroko gainbehera metatua izango duena; ibilbideak inguruan ditugun parajerik ederrenetarikoak bisitatuko ditu.

IBILBIDE BAKARRA
IRTEERA ORDUA 7:00 eta 7:30ak artean
LUZERA (Km) 34
GAINBEHERA (m) 1.800
  • Irteera Areizaga/Kalebarren (Potros) enparantzatik egingo da goizeko 7:00ak eta 7:30ak artean.

  • Ibilbide bakar honetako partaideak Urretxuko parrokiarantz abiatuko dira eta Larrea baserrirako bideari jarraituz, Etxaburuko eta Institutuko auzo aldera helduko dira. Hemendik errepideak egiten duen bihurgune itxia herrian geratzen diren Errege Bideko bi zatietako batetik igaroz, errepiderik segiz gero Santa Barbara ermita eta Ipeñarrieta Jauregia kokatzen diren auzo aldera iritsiko dira. Ibilbideak Ipeñarrietako jauregitik jarraituko du eta Bastanixtazabal (843 m) lepora heldu Irimoko I. hegala bisitatuz; (Trekutz aldetik etorriko bagina) Irimoko seigarren punta azpian dagoen lepora iritsiz, 7. puntara igo eta Gurutzera iritsiko gara, han emango digute txartelan eguneko 1. zigilua. Irimoko H. hegaletik jarraituz, Agerretik igotzen den pistarekin lotu eta azkenik, Trekutz lepora iritsiko gara. Trekutzetik Gorlaranz jarraituko dugu, Santutxotik eta Elosurako errepidetik igaroz. Elosu auzoko baserrietatik pasatuz eta jarraituz Elosumendi gainera iritsiko gara (bigarren kontrola). Buelta-erdia emango eta Aizpurutxora jaitsiko gara (hirugarren kontrol eta eguneko anoa-hornidura nagusia). Indarrak berritu ondoren Oleta lepora igoko gara, Samiñorantz jarraitzeko eta bere hegaletik PaAgotxoeta lepora jaisteko gero. Pagotxoetan, pista hartuko dugu eta geroago Anduzu baserritik jaitsiz, Etxeberri auzora iritsiko gara. Hemendik bidegorria hartuko dugu eta azkenik Areizaga-Kalebarren plazara iritsiko, 34 kilometrorekin eta metatutako 1.800 m-ko gorabeherarekin.

    • Kontrolak.. Ibilbideen kontrolak halako guneetan jarriko dira: Areizaga-Kalebarren plazan (hasierako kontrola - txartela zigilatuta emango dizugu), Irimo, Elosumendi, Aizpurutxo, Samiño eta berriz Areizaga-Kalebarren plazan, oraingoan amaierako kontrola.

    • Anoa-postuak ondorengoak izango dira: Trekutz, Aizpurutxo, Pagotxoeta eta Areizaga-Kalebarren enparantzan.


Segurtasuna

Segurtasuna dela-eta, Gurutze Gorriaren laguntza estimagarria ziurtatuta dugu: euren lur-orotarikoarekin kontrol-gune desberdinetatik igarotzen dira, beren lana beharrezko bada istripuaren tokira hurbiltzearren. Bai unitate mugikor hau, baita gainontzeko kontrol-guneek antolakuntzaren gune zentralarekin sakelako telefonoz kontaktu zuzenean izango dira. Segurtasun arau hauetaz gain, behar izanez gero, edozein parte-hartzaile osasun-zentrora zein herrira jaistearren, kontrol-gune guztietan beharrezko izan litezkeen ibilgailuak izango dira.


Berrikuntzak
Samiño gaina
Samiño gaina
— ©  Santi Usabiaga—
Egin klik handiago ikusteko
(214,196 byte)

Aurten ospatu behar dugun ibilaldiak aurreko urteotan izandako berrikuntza batzuekin jarraipena du:

  • Ibilbideari dagokionez, hiru berrikuntza dira nagusiki izango ditugunak:

    • Etxaburu eta Institutu aldera Larrea baserritik igaroz igoko gara, Urretxuko parrokia aurrealdetik pasatuz.

    • Ipeñarrieta Jauregiaren ondotik igaroko gara berriz, Irimoko gurutzera iristeko, baina oraingoan aurretik Bastanixtazabal lepotik igaroz. Zazpi puntak osotasunean bisitatu beharrean, Irimo gandorreko ipar eta hego isurialdetan diren paraje ederretatik mugituko gara.

    • Helmugara jaistearren, Pagotxoeta lepotik behera Anduzu baserriaren ondotik igaroko gara eta Etxeberrira jaitsi, handik, bidegorriz Areizaga-Kalebarren enparantzara iritsiz.

  • Halaber, aurreko urteotan izandako zerbitzuak izaten jarraituko ditugu...

    • Aparkaleku berezia. Urretxu eta Zumarragako Udalen kolaborazioarekin, kanpotik datozenek Beitia Mendi-martxarentzako espresuki jarritako aparkaleku bereziak izango dituzte, bat Urretxuko Lizeoan -helmugatik hurbil- eta bigarrena Zumarragako La Salle zelaian -helmugatik 5 minutuko bidean, goizeko ordu horietan, autoa aparkatzen denborarik gal ez dezagun. Informazio guztia Nola etorri izeneko atalean duzu.

    • Aurten ere, aurreko urteko zerbitzuen maila mantendu behar dugu. Kanpotik etortzen direnenentzako lo egiteko tokia eskainiko diegu. Lo-zakua baino ez da behar izango bertan lo egiteko. Guk antolatutako tokian lo egiteko asmoa baduzu, Internet bitartez izen-ematean (erregistratzeko atalean) gu aurretik jakinaraztea eskertuko dizugu, horrela lo egiteko zenbat jende izango dugun jakingo dugu-eta. Internetez ez baduzu izena ematen eta lo egiteko asmoa baduzu, mesedez, (+34)633380136 telefonora deitu (Hilario), honen berri jakin dezagun. Bestalde, zuk aukeratutako ostatu batean lo egin nahiko bazenu, ostatu eta jatetxeen zerrendan aurkituko duzu behar duzun informazioa.

    • Inkesta. Urteak daramatzagu inkestak paperetan egiten eta mendizaleek emandako balorazio positibo eta negatiboa kontuan hartzen. 2009tik aurrera inkestak webgunearen bitartez jaso ditugu. Ikusi nahi badituzu, aurreko urteetako atalean ikusgai dituzu. Aurten ere, parte har dezazun gonbidatzen zaitugu, okerrak zuzentzeko, zure iritzia behar dugulako.

    • Elastikoak. Aurten ere, parte-hartzaile guztiek elastiko bana jasoko dute oroigarri gisa. Badira urte batzuk neskentzako propioak diren kamisetak eskaintzen ditugula eta aurtengoan lau neurri edo taila izango ditugu.

    • Facebook-en gaude. Facebook-en ere emango dizuegu gure berri. Segi gaitzazu hemen: http://www.facebook.com/beitiamendimartxa.

    • Twitterren ere bai. Segi gaitzazu hemen: http://www.beitia.org/beitia/beitia_twitter/.

    • Eta euskaldunok Aizpurutxon, euskaraz bizi nahi dugula adierazteko aukera izango dugu. Etorri, argazkia aterako dizugu eta parte hartu euskararen aldeko ekimen honetan.


 

Iñaki Beitia ...

Bost puntetako izar bat zinen
jakin ezazu aurrena,
aberriaren maitasuna bat;
bestea euskararena;
hirugarrena mendigoizale;
irakasle, laugarrena,
bostgarrengoa,
jatortasuna sinbolizatzen zuena.
Orain ordea, zaude geronen
mugetatik at irtena,
eta zu zara zeruetako
izar distiratsuena,
gaurik beltz eta ilunenean
diz-diz egiten duena.

—Nerea Elustondo—


Facebook
Gaurko eguraldia

 


http://www.beitia.org
© 1997-2017. Iñaki Beitiaren omenezko Mendi-martxa


Antolatzaileak: Goierri Kirol Elkartea ¦ Lekaio Kultur Elkartea ¦ Ostadar Mendi Taldea (IFK: G20341673)
Urretxu-Zumarraga Ikastola ¦ Zintzo Mintzo Euskaltzale Elkartea
Urretxu-Zumarraga (Gipuzkoa). Euskal Herria - The Basque Country
Kontaktu helbidetarako egin klik hemen.


1024x768 edo pantaila-bereizmena handiagoa gomendatua.



Powered by Zope


Multilingual by
Localizer