Iñaki Beitiaren omenezko mendi-martxa

IÑAKI BEITIAREN OMENEZKO MENDI MARTXAK 27. EDIZIOA

Kaixo IBMMzale!

2025 honetan Iñaki Beitiaren Omenezko Mendi Martxaren 27. edizioa ospatuko dugu. Aurten, lan talde berriarekin ekin diogu ilusio handiz martxaren prestaketari, ezin ahaztu ordea, urteetan lanean aritu izan den lagun taldea. Euren esperientzia eta gure ilusioa uztartuz sortu dugu edizio berri hau.

Urteen joan etorrian, Iñaki Beitiaren eraginak belaunaldi berrietan ere, izan du bere oihartzuna, eta durunda horrek urte luzez jarrai dezan, mendi martxaren antolaketari jarraipena eman nahi diogu. Ilusio, urduritasun eta ikasteko gogo handiz ekin diogu ibilaldi honi.

Jatorri, pentsamendu, ideologia, ibilbide… desberdineko gizabanakoen eta taldeen elkarlanaz, modu xumean hasi zen Mendi Martxa nortasun handiko ekitaldi bihurtu da.

Ibilbidea

Ohi legez, aurten ere, mendi ibilaldia Goierri, Deba Garaia eta Urola-Kosta eskualdeen artean zabalduko da eta aukera ezin hobea ematen du bertako inguruak ezagutzeko. Aurten Iñaki Beitia Mendi Martxaren 27. edizioa beteko dugu, ibilbide bakarra antolatuz azken aurreko edizioetan egin bezala: 32,5 kilometrotakoa eta 1.700 metroko gainbehera metatua izango duena; ibilbideak inguruan ditugun parajerik ederrenetarikoak bisitatuko ditu.

Irteera ordua 7:00 eta 7:30ak artean izango da

Informazio Gehiago

Kontrolak eta Anoa-postuak

Kontrolak:

Ibilbideen kontrolak halako guneetan jarriko dira: Areizaga/Kalebarren plaza (hasierako kontrola -txartela zigilatuta emango da), Irimo, Aizpurutxo, Agiñaga, Samiño, eta Areizaga/Kalebarren plaza (itxiera-kontrola).

Anoa-postuak

Ondorengoak izango dira: Trekutz, Aizpurutxo, Agiñaga, Pagotxoeta eta Areizaga/Kalebarren plaza.

Informazio Gehiago

Izena Ematea

Urretxu-Zumarragan

2025eko maiatzaren 16tik aurrera izenematea Urretxuko Aldiri Kiroldegia , Zumarragako Ispilla Kiroldegian zein Ostadar Mendi Taldearen egoitzan egin ahal izango duzu.

Izen-ematea martxaren aurreko egunetan egiten bada, ordaindu beharreko kuota 10 eurokoa da , eta bestela 12 eurokoa irteera-egunean bertan egiten bada.

Martxako goiz berean bertan izena ematea egiterik izango da. Dena dela, Antolakuntza Batzordeak izen-ematea AURRETIK egin dezazun eskatzen dizu, mendi-martxaren antolakuntza lanak erraztu eta eguna ahalik eta hoberen atera dadin.

Internetez bidez

Izena emateko epea maiatzaren 9an zabalduko da.

Informazio Gehiago

Irakur itzazu biharamuneko datuak gure blogean / Consulta los datos del día después blog.

Iñaki Beitia mendi martxaren 25. edizioko irudiak Goierriko Hitza eta Gotzon Aranbururi esker; eskerrik asko!!!

Ikusi hemen Carlos Mediavillak utzitako argazki apartak (2022). Eskerrik asko Carlos!!!

Iñaki Beitia Mendi-martxa EUSKARALDIArekin!

Izen-emate epea zabalik

Kaixo mendizale!

Izena emateko epea zabalik duzu dagoeneko Internet bidez webgune honetan.

Aurrez aurre Ostadar Mendi Taldearen egoitzan, baita, Legazpiko Bikuña, Zumarragako Ispilla eta Urretxuko Aldiri kiroldegietan ere egin ahal izango duzu adierazitako epeen barruan.

A! eta ez ahaztu. Gure helburuetako bat plastikoaren erabilera murriztea da, eta martxa jasangarriagoa egin. Ekarri etxetik zure edalontzia edo antosina!

Ikus itzazu egunean zehar egindako argazkien bildumak / Visualiza las fotos del día de la marcha